林智乐邀甄敏芳演MV女友 报备亲密度属儿童节目尺度

Felix林智乐为新歌《魔法情侣工作室》拍摄MV，邀请小师妹甄敏芳担任MV女主角，镜头前二人既甜蜜又开心，Felix话要特别向Jenny嘅粉丝报备，两人亲密程度只属儿童节目尺度。

Jenny今次唔只做MV女主角，仲会为呢首新歌献声，负责歌曲中嘅读白部份，Felix话成个录音过程好顺利好快，只花咗一、两个钟，Jenny即好奇问原来咁叫快，但只系录一句，Felix即刻话「唔讲咪冇人知」，尽现两人可爱一面。

Jenny加盟公司近一年，Felix话一直冇机会合作，今次合作就非常愉快同顺利，Felix仲赞Jenny演技好自然，Jenny话功劳系属于导演，因为教导得好。