《中年好声音4》唱将完成比赛之后，大家陆陆续续开见面会答谢粉丝支持，蔡宓婕首度举行粉丝活动，呢个重要时刻，Mimi老公同囝囝当然唔会缺席，仲有一大班中声战友撑场。
一班中声战友献唱完全冇难度，但要佢哋讲嘢就唔系个个都咁叻，Mimi特登出考题，要大家轮流访问佢，搞到雷小雷要出动猫纸嚟问，不过雷小雷唔纯正嘅广东话就引发笑料。
见面会上，点会少得唱歌助兴环节，Mimi拣咗比赛中唱过嘅《上海滩》跟黄建东一齐合唱。Mimi眼见一班爱锡自己嘅家人、战友同粉丝，再回想过去一年忙于比赛，又要返工同照顾家庭嘅日子，同时面对网上负评，Mimi非常感触，压力之大可想而知，重提参赛历程，Mimi讲讲吓，情绪激动泪流满脸。
