小S徐熙娣 20岁嘅大女Elly许曦文、18岁嘅二女许韶恩Lily日前携手创立时尚新品牌MEUWSE，小S亲自担任Model拍摄开箱片兼行catwalk，力撑两个宝贝女嘅新事业。
开箱片中Lily为妈咪送上一大盒新产品，喺外国读书嘅Elly都有同妈咪视像连线，小S著住写上「我女儿很漂亮」嘅黑T，戴住黑超，一见到镶满水钻嘅cap帽，即刻话「我这种巨星很需要」，但之后又改口话惊自己睇上去似货车司机，认真搞笑。
之后小S见到牛仔裤开心大叫「我最喜欢牛仔裤」，仲即刻换上新裤喺屋企行catwalk搞笑介绍自己职业系货车司机，网友纷纷大赞「有个时尚又幽默的妈妈真好」、「有妈妈支持好幸福」等，亦有网友表示见到Elly同Lily两姐妹携手打拼事业，就好似见到当年嘅大小S，有一种传承嘅感觉。
