气氛轻松贴地嘅节目《试真D唷》嘅主持 江美仪 张振朗 吴业坤 同 曾展望 到学校同一众同学仔近距离交流，其中一间仲系Owen嘅母校，美仪姐仲直指佢呢次探访直情系衣锦还乡呀。Owen就指会接受母校小师弟妹访问分享喇，佢又话当年老师仲有同学都一齐见面，呢日非常开心呀。
美仪姐又笑指现场同学有一位同坤哥非常相似，仲搞笑指可以直接取代真身，坤哥可以退休叹世界咁话。呢日佢哋仲直接试到入校园，品尝同学仔精心制作嘅唔同美食。
节目继续会到唔同食店挑战，即将仲会试大王具足虫拉面，虽然外表非常吓人，不过佢哋就指味道就令人眼前一亮，GM仲话美仪姐食完之后整日都心情非常好咁话。
GM同女友因为《女神配对计划》而成为一对，而近日新一辑播出成为讨论焦点，Sophie更自称有意雪卵，呢日一提起，Owen同美仪姐就非常关心GM嘅身体状况，议题更发展到去GM可以考虑捐精㖞。
《试真D唷》星期日晚 20:00 翡翠台