「香港摇滚之父」夏韶声（Danny）的确瓣数多，除咗对 UFO、外星文明拥有极深造诣，又系一位实力派演员、仲系一位漫画家，呢日佢作客TVB节目《流行都市》，特登带埋自己嘅漫画手稿展示畀大家睇添！
夏韶声作品非常专业，每一画都坚持亲自落笔，夏韶声话自己唔系用电脑画，系用最原始方法创作，夏韶声忆起喺TVB拍长寿处境喜剧《开心华之里》𠮶阵，一有空档又唔想嘥时间，佢就用张纸画画，而家已经系故事内容，出到第三集，自己差唔多系一年时间先画到一集。
夏韶声才华洋溢，把自己漫画故事创作成歌曲，新歌喺上个月推出，夏韶声目前处于半退休状态，觉得艺人每个人都有辛酸，于演艺生涯曾被冷落，但佢最难忘拍《开心华之里》，感觉好似大家庭，成日一齐食饭。
夏韶声忙完手头上嘅工作，就返美国探望家人，尤其系见啲孙仔孙女，自己都有两年时间冇返去，要陪吓啲小朋友倾偈，怕大家关系陌生咗。