台湾男神 许光汉 呢日联同马伊琍、赵今麦、乒乓运动员 樊振东 齐齐出席活动。近日有消息指光汉即将同威尼斯影后 辛芷蕾 合作拍摄新戏，双方影迷都好希望可以成事。
光汉虽然工作好忙，但一有空档就钟意周围旅行，而作为一个型男，当然连行李箧都要型过人，光汉话行李箧代表一个人嘅性格，有时加啲小配件都可以突显自己嘅品味。而自己钟意嘅旅行模式系亲近大自然。
而实力派演员 马伊琍 就钟意城市漫游，放松之余都可以寻找演绎角色嘅灵感，马伊琍话自己特别钟意行路，可以多欣赏身边嘅风景。
赵今麦近年主演多部爆红剧集，合作嘅男演员个个都系男神级，童星出身嘅佢演戏经验丰富，无论抽离或者投入角色都有自己嘅一套方法，赵今麦话自己每做完一个角色就会俾自己放空，而接到个新角色，佢就会喺生活中做一啲贴近角色嘅嘢，帮助自己尽快投入。
