68岁嘅台湾资深歌后 蔡琴 巡回演唱会再次返台北展开，蔡琴特别为呢个骚订制多套新嘅靓衫，展现满满诚意，一开场佢就送上大家熟悉嘅《最遗忘的时光》，带大家进入一场音乐飨宴。
蔡琴喺自嘲系「老女人」，好感动仲有咁多人听自己唱歌，佢感性表示舞台系自己嘅家，而歌迷就系自己最亲密嘅屋企人。出道47嘅蔡琴，喺舞台上拥有无数掌声，但其实佢亦付出好大代价，因为著太多高踭鞋，搞到脚伤晒，有时行路都企唔稳，另外因为对得太多聚光灯，所以造成双眼畏光，日常生活经常要戴黑超，不过为咗最爱嘅舞台，自己甘愿付出。
蔡琴全晚演绎超过20首经典金曲，仲请到音乐大师鲍比达助阵，令满场歌迷大饱耳福。