邱锋泽预告下月生日澳门开骚 坦言五坚情暂无合体计划

台湾组合五坚情嘅成员 邱锋泽 日前现身香港出席活动，现场聚集唔少粉丝，锋泽为咗答谢锋蜜们嘅支持，即场清唱咗几句《PARADE》，锋蜜们都好捧场齐齐大合唱，气氛热烈。

下个月31号就系佢38岁生日，正日佢将会喺澳门开骚，可以同锋蜜一齐庆祝，锋泽都话好期待，佢仲预告到时有机会会唱广东歌。至于会唔会到香港开骚，锋泽就话正寻觅合适嘅场地，希望好快可以有好消息。

讲到五坚情几时有机会再合体，锋泽就话大家暂时专注个人发展，虽然短期内唔会有团体活动，但就有计划会两个成员一齐出歌，各位粉丝可以耐心再等等。