冯允谦 呢日出席品牌活动，同首次来港嘅泰国人气女星Becky同场，原来两人早前已于另一时装活动碰过面，而即将推出新歌曲嘅Becky，呢日仲同Jay即场合唱，两位唱得之人清唱令现场嘉宾都听得如痴如醉。
Jay之后指Becky为人非常亲切，仲希望有机会可以音乐上合作，更加希望邀请对方做嘉宾呀。周身歌债嘅佢，又笑言自己「债台高筑」，仲指要开始落闸，唔够好嘅作品唔会交货，不过大家就要加多啲耐性喇。
讲到耐性，讲有意结婚都好一段时间嘅佢，女友唔知等到怕未？Jay就话目前大家都专注工作，所以暂时都未知时先正式成婚，不过就话一有好消息一定会同大家分享喇。
