潘静文 呢日现身粉丝为佢举办嘅应援活动，宣传新歌〈遗憾还是会完〉，一众粉丝精心为场地进行布置，准备咗多款应援物，而Sherman亦对大家嘅要求有求必应。
今次新歌以遗憾作主题，佢就话自己都有被歌词而感动，当中有好多句佢都好钟意，当中一句「人不过是人有心瘾」歌词，令佢觉得有时以为自己忘记到一个人，但当喺社交媒体见到对方嘅近况或者真人，就会知道自己个「瘾」仲依然喺度。
Sherman指每次创作一首新歌，自己都会同填词人去讲自己点解会创作呢首歌嘅经历同原因，但喺每次同填词人沟通时，佢都纠结系咪要讲真话，Sherman指由于好想作品可以代表到自己，所以佢都会讲明经历系真人真事，Sherman笑言填词知道好多歌手不为人知嘅秘密呀。
早前Sherman罕有地喺社交平台分享一辑写真靓相，唔少网民都赞佢有种健康美，Sherman就话自己都想影多啲呢类相，但就要自己鼓起一定嘅勇气先可以，因为平时佢连着背心出街都唔会。
最近有份参演处境剧《爱．回家之三代同糖》，当中造型仲被网民指同动画人物撞样，对此Sherman就同大家分享加入剧组后嘅感受，仲话希望可以有多少少时间休息呀。