网上对 邓兆尊 嘅三位红颜知己有唔少批判，不过喺好友 梁思浩 眼中，兆尊呢三位太太喺佢心目中都好靓，因为佢话呢三位女士，都肯同兆尊患难见真情，所以觉得佢哋好靓。
至于讲到因咩事而患难见真情？兆尊就讲返当年有啲事发生咗，而呢三位红颜就同佢讲，平时佢哋打斧头都剩落唔少钱，直言如果兆尊有需要嘅就攞去用，兆尊话虽然自己最终冇攞到去用，但佢哋肯拎出嚟就已经觉得好难得。
myTV SUPER重温《一周星星》精彩内容
而家燕姐就相当好奇兆尊系点样令三位红颜可以和睦相处？坐喺兆尊旁嘅 陈彦行 就帮手回应系以「家用」维系后宫和睦，令在场众人笑翻。笑完后兆尊先讲返，因为大家共过患难，见到大家为人先可以维系；而行姐亦指呢件事可以见到兆尊都系一个重情重义嘅人，仲讲笑话自己当年咁正，仲有条「唔系人恁品」嘅事业线，兆尊都冇抛弃糟糠嚟追佢，就知兆尊重情义。
myTV SUPER重温《皆大欢喜》爆笑剧情
《一周星星》星期日晚 21:30 翡翠台