薛家燕 廖碧儿 陈彦行 邓兆尊 四位《皆大欢喜》演员 作客节目《一周星星》接受 区永权访问。四位除咗分享合作趣事之外，家燕姐仲爆当年行姐同兆尊假戏真做，搞到行姐都笑到流眼泪，仲感叹自己年少唔识嘢，少女不知哥哥好。
myTV SUPER重温《一周星星》精彩内容
至于有几好？行姐就如数家珍咁大赞兆尊好体贴，又会买嘢比大家食，又会主动车大家收工，家燕姐即刻补多一句「系特别车你啫，点会话车我呀？」Albert即刻打蛇随棍上，问佢系咪后悔当年唔识货？唔识珍惜？行姐即刻望下兆尊问佢：「而家应该无机会啦？」兆尊即刻打量下行姐嘅身材，引得全场大笑。
兆尊坦言觉得行姐当年质素一流，样靓身材正，但因为觉得自己唔配行姐，所以未有进一步追求，而行姐就话当年都feel唔到兆尊对佢有意，仲觉得佢好烦添。
《一周星星》星期日晚 21:30 翡翠台