中声唱将 李佳 接受主播 潘盈慧 《Sing光路上》专访，除咗分享昔日喺上海酒廊唱歌嘅经歴之外，佢仲自爆自己当年非常任性反叛，曾经伤透妈妈嘅心，直到父亲离世，令佳佳一夜成长，佢话父亲喺音乐上对佢都有几大影响，所以呢次佢演绎翻唱歌《追忆》时，都勾起好多同爸爸相处嘅点滴。
而参加过无数大大小小歌唱比赛嘅李佳，表示曾经参加过一个比赛，出色嘅表现令佢位列前茅，但如果出钱，佢就分分钟可以坐亚望冠，但佳佳坚决反对以呢种手法获取荣耀，佢话：「买过嚟嘅荣誉我唔要，我就退赛。」直到《中年好声音》嘅出现，重燃佳佳对比赛嘅热情，亦大大提高佢嘅知名度，直到比赛嘅中后段，佢努力争取演绎《上海滩》并取得MVP，佳佳话佢希望嚟紧可以举行小型音乐会，可以同粉丝有更多互动。
