今集《一周星星》揾嚟 米雪 拍片隔空提问，点知米记一嚟就绝杀 廖碧儿Bernice ，指佢个人又优秀又靓女，无理由无另一半嘅，仲叫佢快啲透露另一半系边个，听到在场嘅 薛家燕 陈彦行 邓兆尊 同主持 区永权 都拍晒手，至于当事人 Bernice 就笑到拍晒手。
myTV SUPER重温《一周星星》精彩内容
讲返Bernice嘅恋情，一众《皆大欢喜》嘅家人都相当关心，身为大家长嘅家燕姐，就话Bernice最近个样甜咗好多，相信系有爱情萌芽中，而行姐亦指有人以飞机于天空写字向Bernice示爱。一众演员都好戥Bernice开心，仲叫佢要预返一围台畀《皆大欢喜》嘅演员。
得到大家祝福嘅Bernice就相当感动，仲话自己拍咗咁多年嘢，真系当《皆大欢喜》嘅演员系家人，到而家都仲有keep住联络，之后仲越讲越感动，最后搞到Bernice忍唔住落泪呀。
myTV SUPER重温《皆大欢喜》爆笑剧情
《一周星星》星期日晚 21:30 翡翠台