张文慈（Pinky）、张柏芝同邓萃雯因共同宗教信仰而结缘，私下感情深厚，近年三人将工作重心转移至内地，大家有更多时间相聚，柏芝与雯女近日特地结伴飞去上海，同Pinky提早庆祝生日，果然系闺密情深！
Pinky㖊日喺社交平台晒出闺密合照，指佢哋5年前喺上海同一间餐厅食饭，五年后再次喺同一地方相聚，为Pinky庆祝生日，相中见Pinky收到新手机及手袋等礼物，之不过最让Pinky感动系呢份难能可贵嘅友情，「可能有时大家各自忙 ，但真正的好朋友会挂念，有事永远出现，感恩遇见，有你们真好，昨晚真的好开心，无所不谈」。
Pinky以前透露啱啱去内地发展，曾羡慕别人用名牌手袋，柏芝得知后立刻大方送佢名牌手袋作为礼物，又试有次喺内地做善事，但Pinky当年经济有限，柏芝就主动以张文慈名义代为捐款，帮助有需要嘅人，可见柏芝对朋友有情有义，而柏芝曾喺节目中透露自己系唔太擅长交友，因为害怕受伤而唔敢延续友情，但Pinky与雯女嘅真诚与陪伴，让友谊打破咗呢个「魔咒」，彼此成为长久知己。
