周志康 莫家淦 姚兵 黄建东 几位《中年好声音4》唱将，嚟紧将会举行音乐会，呢日佢哋就嚟到一个 pickleball场地进行busking，吸引唔少人 嚟听歌，当中阿淦嘅父母亦都有嚟撑场。
最近佢哋就忙于为音乐会进行排练，呢晚佢哋就为音乐会嚟个预演，周志康就话呢晚属于前哨战，而莫家淦就话因为音乐会将至，所以要加紧训练。至于讲到特别嘉宾？周志康就话大家大致上都知有咩人，加上到时佢哋会有唔同组合嘅合唱，所以佢哋都相当期待。
除咗要keep住把靓声，当然亦要有副好body，周志康指自己一直觉得黄建东系减肥KOL，成日都keep住减肥，莫家淦就指东东只系keep住讲，而身为当事人嘅东东，就指减肥系终身事业，一啲都唔容易，所以都会跑返两日呀。
