萧正楠 同女团 MYNT 六位靓女现身pickleball活动，吸引大批fans与途人围观，佢哋轮流落场体验呢项运动，萧正楠就话对住MYNT个感觉就好似同自己个女对打咁，因为唔知让唔让佢哋好呀。
萧正楠早前同黄翠如带埋囝囝去马来西亚，事前佢哋都担心萧哈哈搭飞机时会唔习惯，但点知阿仔变咗亲善大使，同全舱人打招呼，一见到有人望佢就挥手say hello。萧正楠指哈哈完美继承翠如钟意去旅行嘅基因，无论去到边度玩，哈哈都好开心对所有嘢都好好奇，而见到哈哈同当地朋友个囝囝玩得好开心，萧正楠见到都好满足。
女团MYNT就首次落场打pickleball，佢哋话平时嘅工作相当紧凑，时间都放咗喺练歌同跳舞上，而呢日可以放松一下玩pickleball，除咗感觉好新鲜外，仲觉得好考验到佢哋嘅默契。倪嘉雯就指自己有打开网球，但佢觉得网球同pickleball系两回事，因为两种运动用嘅力都唔同。倪乐琳就指为咗活动佢哋都有上堂学打pickleball，不过因为紧张所以喺现场发挥得冇咁好，而乔美莎就指呢项运动难过跳舞呀。
