鬼马填词人 兼 资深演员 黎彼德 上月病逝，家属星期日于佢曾任校董嘅一所中学举行追思会，现场展出佢过往所获嘅填词奖项，亦以纪念册分享昔日生活点滴。佢嘅儿子 黎树德 、姪子等家人到场，唔少好友 钟志光 陈友 吴雨 郭锋 余安安 孙慧雪 ，仲有《爱．回家》嘅拍档 单立文 樊亦敏 同 陈浚霆 许家杰 同 林淑敏 ，罗乐林 张彦博 等都有出席。
大家逐一分享同Peter嘅回忆，而出心出力嘅钟Sir，就指拍《爱．回家》嘅空档假期，就会一齐饮茶叹咖啡，仲听Peter分享好多昔日嘅有趣故事，可惜往后只能回忆。而豹哥就直指Peter过往作品任何香港人随口都唱得出，对香港影响大巨大，认为佢功劳不可抹杀，系乐坛非常重要嘅前辈，至于林淑敏同许家杰亦指Peter哥非常亲切。
大会现场播放黎彼德嘅昔日片段，当中亦包括往昔合作无间嘅 许冠杰 ，阿Sam自弹自唱拍摄，形容Peter系自己嘅「最佳拍档」，以《这一曲送给你》遥祭故友。
