张家辉 同 蒙嘉慧 以及 钟雪莹 呢日一齐现身新片启动礼，近年较少露面嘅Yoyo呢日大受欢迎，仲话呢次一收到邀请就即时答允出演，更系佢同家辉自当年《流氓师表》后再次合作演出。
今次两人合作扮演一对夫妻，钟雪就系佢哋嘅囡囡，家辉受访时就继续鬼马，即场将新片同《流》故事串连，指当年有下文后生埋女咁话。
而Yoyo久未出演，就话同旧拍档合作默契十足，家辉亦令现场气氛轻松，佢仲大赞钟雪呢位新生代演员天份十足，两父女仲不断斗戏呀。钟雪就指同「父母」去多个唔同地方拍摄，有如一家人去旅行一样。
片中家辉嘅头发稀疏地中海造型，仲一度令Yoyo认为对手又为演戏牺牲。而家辉就指有担心黐头套亦担心脱发问题，Yoyo就大赞佢头型够圆似足寿星光，非常适合光头，搞到家辉叫佢求伊健试吓，点知Yoyo就话唔觉有问题，仲即时示爱放闪。
胡枫 早前于影片分享，演唱会后一度因胆管堵塞入院，更昏迷ICU几日，呢日家辉就庆幸契爷叻仔，仲话一有时间就会亲自探望修哥呀。
