黄博 最近推出新歌《花说》，早前举行应援活动唔止大班Fans支持，仲有「中2生」 甘永杰 担任主持，为配合歌曲主题，博博呢日就在场为大家炮制唔同「花」式饮品，当然亦为大家即场献唱新歌啦。
推出今年第2首歌曲嘅佢，今次再参与作曲，不过就以更积极正向嘅方向，希望鼓励大家，亦表达自己嘅感恩之意。呢日佢仲分享唔少旧照，当中张张都有丰富故事。至于MV就邀请 刘绰昕 合作，其中阿Sam扮演一个外刚内柔嘅人。
11月佢就会同 李佳 一齐到广州开骚，佢就话好开心可以直接同歌迷见面，首次于内地开骚嘅佢，仲话非常期待呢次演出，仲预告内容非常丰富呀。
