蔡卓妍（阿Sa）今年4月与细10岁嘅健身教练林俊贤（Elvis）结婚，阿Sa先被传身形圆润，其小腹微微隆起，跟住又无辜卷入私隐外泄风波，被风水师与地产经纪披露阿Sa刚租下东半山豪宅「眺马阁」顶层相连单位，接二连三嘅传闻似乎未有影响阿Sa心情，阿Sa依然沉浸喺新婚甜蜜与充实工作当中。
Twins早前宣布今年12月喺湾仔会展举行一连三场Sidetrack演唱会。消息一出，门票于优先订购及公开发售后迅即被扫光，一票难求。今日（22号）宣布加开12月21及22日两场，值得一提系，今次呢个Sidetrack演唱会系「香港限定」，绝不巡回，歌迷绝对要把握机会。
对于连加两场，阿Sa同阿娇希望「够数还飞债」。Twins呢次Sidetrack演唱会，顾名思义会唱一啲平时较少喺台上演唱嘅「沧海遗珠」，现阶段唱回呢啲歌，二人坦言感觉一定会有唔同，特别系唱早期歌曲，「当时声线仲系好幼嫩！例如《百试不厌》、《有所不知》，其实每一首歌一去到个台度，每一次唱都会有唔同嘅感觉，系好神奇嘅！有啲歌以前唔系太大感觉 ，而家听番觉得『乜原来呢首歌咁好听』，例如《加油》，有啲歌永远唱嘅时候都会眼湿湿，例如《友谊第一》。」
Twins最希望每次演唱会都带俾观众一个开心、放松、可以忘记平时生活压力嘅一个时间同空间：「呢个氛围系双向嘅，大部份时间都唔系净系我哋带俾大家，因为通常入得场睇我哋演唱会嘅观众，都系好欢乐。」
