周殷𨑳 早前被发现与 黄子华、任达华等茶叙，当时外界已估计会面似乎同YT早前公布；与「雨夜屠夫」故事新片有关，YT方面公布与监制 陈颖伦 合作，佢将首次以电影导演身份，，为电影《雨夜之徒》执导筒，亦确认邀请 黄子华 助阵演出，同时公开电影概念海报。
首次担任电影导演嘅YT，过往曾多次执导自己演唱会同广告、MV等唔同作品，不过正式成为电影导演就令佢心情非常兴奋，因为作品已筹备长达七、八年之久，期间更不断反复改写剧本同花时间作唔同准备，所以正式落实自然非常高兴喇 。
YT又话：「今次同团队花好多心血去构思，亦会同好多唔同演员一齐合作，佢哋都系非常好嘅演员，希望台前幕后都一齐打造一部有新火花嘅电影。」
虽然过往佢执导有唔少经验，不过YT觉得拍电影未必可以相提并论：「大家都将自己最好嘅一面呈现出嚟，演员阵容亦会以唔同的章节陆续同大家去分享，所以非常期待。」
