机场职工参与「飞常好声音」 FC黄博任评审惊叹卧虎藏龙

虽然《中年好声音4》已经圆满结束，不过近日就有一个专为机场工作人员举办嘅「飞常好声音」举行，于机场为大家服务卧虎藏龙嘅唔同公司工作人员，先后参与海选，而中声唱将就转换身份分别担任评审， 谭辉智 同 黄博 都话谂唔到机场有咁多高手隐藏其中呀。

佢哋仲指要同参赛者分享评语呢个部份最困难，FC仲笑言话自己一早已词穷，仲话遇到一位参赛者可以称为机场黎明，外貌同选曲都非常相似，所以畀分相当高㖞。

一众参加者将争取下月底嘅决赛席位，而呢日现场司仪 颜米羔 同 陈芊芸 就一样非常落力，不过佢笑言被工作人员整蛊，因为资料同讲稿字体细到「中年」朋友几乎因为老花而睇唔到呀。