方力申以大使身份出席一个由胞弟方圆明有份筹办嘅活动，小方嚟紧11月挑战35公里慈善渡海泳筹款，而爱女爱嘉（Isla）呢日亦准备出赛！
小方运动细胞遗传畀阿女Isla，呢日Isla首次参加爬行比赛，爷爷方毓仁就帮孙女影相，小方出尽法宝，哄爱女爬快啲，Isla不负众望赢咗人生第一面金牌。小方觉得爱女比较贪玩，又钟意其他小朋友，一见到有其他小朋友同场，就好想同人哋玩，方圆明都觉得姪女Isla比较外向啲！
小方为咗让爱女比赛时唔好恰眼瞓，调整咗Isla作息时间，等Isla参赛前小睡片刻，见阿女咁叻女，小方亦要做好榜样，为嚟紧渡海泳做好准备，每日操水练8公里游一个钟头，小方话自己游系好闷，而小方话出去练水，太太要独自照顾小朋友都辛苦。
