曾比特任健康生活节嘉宾全场High爆 为健康减肥抽尽时间够家人相处

曾比特 日前现身一个健康生活节，以嘉宾身份受同现场朋友近距离接触，又即场分享对健康嘅睇法，当然亦唔少得为大家献唱唔同歌曲喇。Mike仲指活动可以令大家更理解健康对生活嘅重要，仲非常兴奋可以同Do姐 郑裕玲 见面呀。

阿Mike平时虽然忙到爆，问到佢有24小时空闲会点过时，佢就话想趁咁好机会陪伴家人，仲话要尽量抽时间相处，认为咁就系最佳礼物喇。

过往身形圆润嘅佢，为健康以短短3个月时间就搣甩40磅，变身为一位型爆靓仔，不过就被经理人Mani严禁过瘦，可以放松食多少少嘢喇，仲话新碟好快就会同大家见面，今次佢更挑战监制工作，令佢更加期待呀。