5位《女神配对计划2》嘅女主角，于日前播出嘅第3集，终于完成拣选求爱勇者嘅环节，呢集现身嘅各位男士勇者质素不俗，好似职业足球员 刘芷坚 由内地专程来港嘅短剧演员 吴旭东 同埋狂吸注意嘅冷气技工 方智弘 ，至于 李韦标 虽然受Amber邀请参加，不过就八字星座冇样夹，令佢以为自己名落孙山呀。
而 陈万龙 呢位从未拍过拖嘅恋爱新手，就指自己系靠空档时间恶补氹女仔技巧，最后亦成功入选。 关经翰 于节目自揭曾有一夜情经历，亦唔怕女神会担心而令自己落选，感觉相当自信。而 郑健乐 虽然早前新闻一浪浪，呢日亦继续勇往直前，希望获Juliana青睐，佢仲觉得对方外国读书性格应该更开朗，又认为对方系「冇机心嘅人」，呢句唔知有冇咩暗示呢？
而决定16位求爱勇者嘅一众女神 阮嘉敏 何沛珈 郭珮文 俞可程 同 陈若思 ，对同各位求爱勇者嘅节目发展就各有睇法，心情仲似乎等唔切非常期待，更觉得各位男士决心极大呀。
《女神配对计划2》星期日晚 20:30 翡翠台