谭咏麟 一连十场红馆演唱会，喺全场高涨气氛兼不舍心情下圆满结束，校长全晚倾尽全力献唱，为全场观众能下难忘回忆，校长仲高呼：「为你哋服务喺我一生荣幸，多谢大家咁多年嘅支持。」
尾场观众席星光熠熠，刘德华同李克勤惊喜现身，两人更上台做嘉宾，华仔仲向校长表示：「我代表现场所有人求你呀﹗你继续唱呀，我在意呀，大家都在意。」之后三人更合唱一曲《我在意》，唱唱下华仔突然感触，双眼通红，搞到身旁嘅校长都一度哽咽。不过，校长事后访问时就坚持自己无喊，仲话自己有努力忍住，反而佢话华仔想整喊佢呀。
完成红馆个唱后，校长将展开百几场巡回演出，问到佢会唔会再开安歌场时？佢就话到时先谂，至于会唔会去启德开骚？佢就以笑回应。
