陈家乐近年喺演艺事业成绩越演越勇，曾于2003年参加过新秀歌唱大赛晋身最后16强，家乐入行后，主力朝演员方向发展，佢今年重拾音乐梦，正式宣布进军乐坛，亲自为新歌《我们都是无名氏》填词，隆重举行新歌发布会首唱新歌。
家乐曾多次谦称自己「唔识唱歌」，甚至笑言做歌手会「影衰乐坛」，今次鼓起勇气作出新尝试，太太连诗雅（Shiga）唔只亲自到场为老公打气，佢仲自备应援物，戴上写住老公英文名嘅应援头箍，十足十小粉丝一样。
家乐演唱新歌之外，仲唱咗Shiga嘅《只要和你在一起》，更向老婆招手邀请Shiga上台合唱。Shiga随即小跑现身，上台一刻俾咗个「爱的抱抱」揽实家乐，呢一幕真系闪到戴黑超都挡唔住！网民都话家乐同Shiga嘅互动甜到令人想喊，隔住个Mon都觉得好幸福。
活动完结后，Shiga喺社交平台分享同老公合照，以及撰文表示感动，仲话自己都紧张咗几日：「睇住你由为新歌填词，到录音，到真正推出自己首𠮶个人作品，真系为你感到好兴奋、好感动、好开心。尤其系知道你呢一首歌系好有意义，好有故事。」作为主角嘅家乐心情更加激动，表示自己「我居然做左呢件事😭😭😭，谂都冇谂过会搞一个mini show」，亦好感激各位嚟捧场嘅人。
