「音乐情人」郑子诚同老婆刘倩怡结婚多年，夫妻感情恩爱如初，亦对狗狗好疼锡，一直都系圈中嘅模范夫妻。
喺9月23号，子诚就喺社交平台分享同老婆庆祝结婚23周年嘅合照，更以「 爱…没一辈子的浪漫…只有一辈子的温暖，情…没一辈子的缠绵…只有一辈子的陪伴，未来日子…我会继续固执地牵著你手….」作为配文，向太太表达心意。而喺子诚分享嘅合照中，除咗有佢哋嘅庆祝合照，仲有就有二人当年嘅结婚相，对比起嚟 呢廿几年两位变化亦不大！
倩怡同样喺社交平台出Post放闪，晒出老公送嘅心意卡同礼物，仲话：「感谢你对我一辈子的爱….🙏唯独你是不可取替💜💚❤️23结婚周年快乐」真系好闪！
子诚呢篇爱的宣言吸引唔少网民留言，有人表示感动，「情人忠奸都得，把声又好得，抵你有贤妻。Happy together 要幸福啊」。有人趣怪留言重提子诚曾经喺《封神榜》饰演纣王，问刘倩怡：「当年同纣王拍拖有咩感想？」有偶遇过子诚夫妻嘅网民话：「Happy anniversary！星期日在教会外见到郑先生夫妇，安静的同行，祝福继续恩爱。」
