钟柔美（Yumi）唔只唱跳演戏样样精，仲有一颗善良嘅心，近日Yumi喺社交平台分享身穿保护衣嘅自拍照。
Yumi参加义工活动，早前日行一善，为长者清理堆积如山嘅杂物，喺配文第一句就写「（影片和相片可能会令人情绪不安, 请斟酌观看）」，从片中可见，Yumi身处嘅环境相当凌乱污糟，而佢零偶像包袱，认真执杂物。
呢个活动亦令Yumi感觉充实同有意义，佢形容呢件事唔只系体力劳动，更系一场耐性嘅考验，佢仲话：「虽然未做得最好，但愿意行出多一步，已经好充实，好开心有意义。 但只要我哋都愿意出一分力，就可以为有需要帮助嘅人带嚟温暖。」
而Yumi呢个分享，不单止得到粉丝赞佢又乖勇猛，亦吸引林智乐、陈若思等艺人留言，Amber仲话：「希望啲人知道你 其实比想像中善良🙌❤️❤️很棒」。
