颜米羔为粉丝亲制月饼 预告新歌或尝试京腔

颜米羔趁住中秋佳节前夕，又再一次举行聚会同米粉欢聚，米羔仲揾嚟好友 冯彦中 帮手伴奏。话明系中秋节聚会，当然要玩吓游戏、猜灯谜啦，米羔仲落手落脚同大家一齐整月饼。

米羔亲手为大家炮制冰皮月饼，话自己落手试完先知唔容易，但佢自豪咁话自己算整得唔错嘅一个，仲话自己亲手整嘅食物都食得开心啲。

米羔近年积极与唔同音乐人合作，指自己唱歌年资仲好浅，想向更多前辈学习，希望自己好似海绵咁可以不断吸收。米羔又透露嚟紧会同冯彦中喺音乐上有合作，冯彦中就指想对方尝试一啲京腔，又或者尝试高音呀。