陈俞霏联同曹越刘晓昆推新歌 自揭曾堕骗局被不法之徒呃20万

中声唱将陈俞霏（霏霏）、曹越与刘晓昆日前推出首支合唱单曲，霏霏包办作曲、填词、编曲及监制，越越亦有参与作词，以爱情诈骗为主题，佢哋为咗带畀歌迷最佳嘅舞台视听享受，三人落力排舞，展现超强默契。

霏霏觉得排舞最大难度系拍档身高太高，自己企埋去有啲唔衬，曹越话拍档之间身高差，能够令霏霏更突出，昆昆赞霏霏企中间系最好睇。

霏霏虽然平时睇落好醒目，但佢试过堕入电话诈骗，不法之徒假冒执法人员，话佢差啲搞到人哋死，要冻结佢银行户口，霏霏好似扯线公仔咁跟随佢哋操纵，最终蒙受廿万巨额损失。