李冰冰现身西安出席一个品牌活动，冰冰嘅打扮集休闲成熟于一身，充满优雅感觉。冰冰亦喺活动上分享人生态度，形容人生系不停喺一条路上行，所以要珍惜当下，每个时刻都系命运安排好要去教你一啲嘢，无论系痛苦定系惊喜，都系教大家一啲感觉。所以佢认为，最好嘅状态系可以接受唔同处境下嘅自己。
冰冰喺多年演艺生涯中饰演过唔同类型嘅角色，而家佢接戏就更著重剧本质量。冰冰笑言，早前自己接受一个访问，表达过如果剧本质量好，就可以唔收钱拍戏，所以而家收到好多剧本。自己好开心可以睇到好多风格唔一样嘅剧本，仲话自己呢几年经历咗一啲事，呢段时间教咗自己更多难以言喻嘅智慧，希望可以喺选择一个新作品时，系自己愿意同大家分享嘅一种状态。
