曾主持《Think Big 天地》嘅前港姐 黄碧莲（Linna），于中秋佳节宣布BB平安出世嘅喜讯！Linna喺社交平台晒出产房合照，宣布顺利诞下爱儿Logan，正式升呢成为新手妈妈。
喺中秋月圆之夜迎来新生命，Linna 于社交平台两度晒出囝囝嘅照片，佢仲喺帖文中分享分娩经历，笑言自己好似变成狼人一样：「如果要形容我的生产经历，我觉得自己就像是在满月下变身的狼人 🥹。那些宫缩痛感简直太糟糕了──满分一万分的话，我给零分。绝对不推荐体验。不过硬脊膜外麻醉（无痛分娩）的效果真的很棒……🤩 直到我必须开始用力把宝宝生出来的那一刻。」Linna指虽然分娩过程相当痛苦，但当佢见到Logan趴喺自己胸口，同佢四目相对时，佢就觉得一切苦难都唔再重要。
最有趣嘅系，Linna指佢嘅妇产科医生完全按佢要求咁做，将Logan好似《狮子王》入面Rafiki举高Simba咁，将BB高高举起展示畀佢睇，相当搞笑。除咗感激佢嘅妇产科医生 Vicky Lee外，Linna亦以超级英雄嚟形容产房中嘅护士，以及负责产后护理的护士们，佢仲郑重地感谢其中一位护士：「特别要感谢 Bonnie 护士，她给了我很多实用的哺乳建议，还在宝宝像食人鱼一样狠狠咬我的时候及时解救了我 🥺」
Linna顺利诞下Logan嘅消息传出后，唔少圈中人阿网民都纷纷留言送上祝福，仲话佢哋今个中秋真系人月两团圆呀。