叶丽仪陈洁灵靓声金曲献唱 容祖儿现身答谢指导之恩

叶丽仪 同 陈洁灵 举行一连五场演唱会，为咗令观众有最佳嘅视听感觉，佢哋花尽心思喺音乐方面，难怪Miss Chan Chan话中途走咗落台听Frances唱歌，更期望能成为观众睇足全场。

Frances话唱得好享受，因为现场音质好靓，两人笑指做完今次高质素演唱会，返唔到转头。

五晚演出有唔同嘉宾上台，第二晚就有 容祖儿 惊喜现身，同Miss Chan Chan合唱《未知》，Joey话今次嚟做嘉宾系报恩，因为当年自己推出《未知》之前，先后多次去Miss Chan Chan屋企学习点唱，令佢有一首好好嘅歌曲作事业开始。佢又特别同两位前辈合唱师傅罗文嘅歌曲，以表对师傅致敬。

Frances话老公今次冇嚟香港，但系每日要向老公报平安，因为自己六月时喺英国突然脚痛到落唔到床，经检查后发现系坐骨神经痛，而家一直接受治疗，完成演唱会后，将要返澳洲做一个小手术，再休息半年时间。