温碧霞 日前出席于西安举行嘅「第十三届丝绸之路国际电影节」，以颁奖嘉宾身份参与「金丝路奖」颁奖礼，一直积极参与华语电影文化交流嘅Irene，见到咁多优秀嘅电影同演员，感到十分兴奋。
讲到近年电影科技迅速变化，尤其系AI喺影视创作上嘅突破，Irene坦言自己一直密切留意相关发展。佢指近月已有多间片商同内地电视台向佢发出邀请，希望佢参与AI电影同AI电视剧嘅拍摄，Irene透露现阶段仔细了解唔同项目嘅方向同制作模式，强调会喺合适时机选择最佳作品。
问到会否担心AI取代电影业？Irene直言唔使担心，认为AI无法完全取代人类嘅创作力，反而可以帮创作者带来更多灵感同可能性，佢希望未来能参够同更多融合科技与情感嘅作品，为观众带来耳目一新嘅感觉。
