陈家乐 近年不时透露想出歌嘅心愿，而呢个心愿终于成事，喺太太 连诗雅 同一众好友见证下举行新歌《我们都是无名氏》发布会。家乐除咗献唱新歌，又自弹自唱哥哥张国荣金曲，台下嘅陈太Shiga变成头号fans，当老公示意邀请佢上台时，佢即刻冲上台同老公一齐合唱，场面温馨。
家乐感激大家嘅支持同包容佢将私心歌曲放喺发布会献唱，又希望大家可以喺电影以外嘅世界，喺音乐或者佢所填嘅歌词入面认识到佢系咩人，佢亦期待自己可以成为别人嘅无名氏去畀鼓励人。家乐直认发布会前心情紧张，即使太太点叫佢放松都听唔入耳。
对于首次演出，佢畀自己50分，又特别多谢好兄弟 洪卓立 日前专登去佢彩排地方，教佢点样用声同发声，令佢一改以往唱歌习惯。佢话上台一刻有种「死就死喇」感觉，就好似演员听到「action」，跟住只会专心演好场戏嘅感觉。
