涂家尧 同 丁文俊 趁中秋佳节，相约佢哋嘅Fans团「涂宝」同「爱丁宝」一齐欢聚中秋，两位唱将在场，当然要唱歌畀大家听。Angus话两批粉丝都不时一齐玩，家尧指大家都好有默契，事前都唔使夹玩咩游戏。
Angus话儿时嘅中秋节活动就系玩火、煲蜡，当然而家唔畀煲爉，因为会犯法。家尧话每年中秋都要BBQ，出道后，就开始习惯每逢节日都要工作，与同事或者粉丝庆祝。
2026年过咗一大半，Angus同家尧都各自为事业继续拼搏，为大家送上好声音。Angus近期密密喺大湾区举行线上音乐会，佢话好多内地朋友都钟意广东歌，甚至北方朋友对港乐好有兴趣，甚至连冷门广东歌都识唱。家尧将会推出由张佳添所写嘅合唱歌，今次会同素人合唱，会有慈善成份，希望大家多多支持。
