金曲歌王 萧煌奇 喺台北举行一连两场演唱会，著住燕尾服出场嘅佢喺弦乐团嘅伴奏下大骚唱功，令现场歌迷听出耳油。平日有做Gym操练嘅佢，之后换上酒红色缎面Deep v恤衫，胸肌若隐若现。
个唱请到同样系金曲奖得主嘅 动力火车 做嘉宾，三把靓声就算清唱都一样动听。动力火车讲嘢出名幽默，煌奇又不嬲唔介意攞自己嘅视障嚟讲笑，三人仲即场大玩地狱Gag，动力火车嘅颜志琳话嚟做嘉宾前，担心台上无提词机，煌奇即刻话自己真系从来冇用过提词机。
尤秋兴话自己唱歌习惯同对方有眼神交流，煌奇话自己都可以做到，不过秋兴话刚才演出时，煌奇全程冇望过佢，令台下观众大笑。
