王祖蓝 嘅节目《蓝朋友．旅朋友》同大家走访广西、福州同温哥华唔同地区好玩好食好去处，当中仲邀请几位加入演艺圈唔算太耐嘅 潘静文 刘倬昕 同 吴兆麟 一齐参与，体验唔同地方嘅风味。一提起几位旅伴，祖蓝更如数家珍分享对佢哋嘅观察。
原来Sherman竟然系黑洞大胃王，见到美食仲会双眼发光，而阿Sam就反爆祖蓝私下无时无刻都会同老婆联络煲电话粥，而Alan就被指太过客气，认为佢可以放松啲有更好发挥呀。
阿Sam同Alan早喺《福禄寿训练学院》已经同祖蓝认识，而Alan早前曾到内地发展，原来就得祖蓝鼓励，佢到横店闯天下，更被形容系坐言起行，完全冇浪费时间。早年祖蓝亦曾到内地发展，佢就指得益于内地演艺界发展嘅浪潮。
而几位新一代成员，就各自有唔同目标，好似Sherman希望可以一圆开演唱会梦想，Alan就希望可以于《女神配对计划2》追到 陈若思 ，而运动员出身嘅阿Sam，就希望他日可以主持奥运节目喇。
《一周星星》星期日晚 21:30 翡翠台