陈自瑶 早前迎接45岁生日，而出名系佢圈中闺蜜嘅 黄翠如 同 连诗雅 亦再次合体，为好姊妹温馨庆祝。Shiga于社交平台晒出合照，好姊姊一样笑容灿烂、温馨满泻，展现出真挚友谊。
Shiga又写道：听人讲过，如果一段友谊可以走过七年，大概就系一世🤭翻一翻月历，呀～原来由 2019 到而家，已经陪你过第八个生日!
时间真系过得好快，呢几年大家的生活同角色都有唔同转变，见证住彼此一步步成长。
虽然平时大家各自为生活奔波、为返工忙碌，但每一次坐低见面，永远都有倾唔完嘅话题，每一次都倾到人哋闩门都唔想走🤣🤣
好似你咁人美心善嘅女仔，值得世间所有最好嘅人同美好嘅事物。虽然今年迟咗少少庆祝，但祝福依然最真，迟来的生日快乐！
愿你继续自由自在做自己钟意嘅事，永远眼里有光，心想事成
其实呢段深厚姊妹情，缘起自2020年剧集《那些我爱过的人》，当时佢哋于剧中饰演情同手足嘅好姊妹，因合作愉快而发展友谊，戏里嘅深厚感情由萤幕延伸至现实生活。自此彼此嘅生日、或大节日，佢哋都会相约聚会见面陪伴。
Yoyo近年事业发展理想，不过就经常身处外地，兼顾演艺事业同家庭。而Shiga亦同陈家乐婚后升格为人母，同步发展事业同幸福家庭新篇章。而翠如同萧正楠婚后亦甜蜜依旧，加上萧哈哈令人生更丰盛。
纵然佢哋已为人妻、甚至成为人母，但三人感情依旧亲密，互相分享生活同育儿点滴，继续将姊妹情深厚发展。