马贯东《死有对证》英勇查案 戏外爱心爆棚获流浪猫「宠幸」

马贯东 于剧集《死有对证》中饰演英勇探员「高俊」，与 陈晓华 韦家雄 等携手合力查案。佢又同饰演新手法医嘅Hera组成「冤家组合」，两人于剧中互动充满火花，爆笑又温馨，深受观众欢迎与喜爱。

myTV SUPER拆解亡命真相

萤幕上嘅Mark沉著英勇，但私底下嘅佢其实系既细心又温柔嘅暖男。演戏之外佢系一位宠物美容师，唔止同档于珠海开设学校授课，亦经常亲自为毛孩扮靓，又公开同毛孩合照，爱心满分。

近日阿Mark就为一只无家可归嘅黑白流浪猫仔冲凉，之后猫仔仲展现出对佢嘅信任，亲暱爬上佢膊头之余，又不断蹭向佢面颊同耳仔，非常感激呢位人类嘅温柔照顾，呢次深受流浪猫「宠幸」嘅画面充满疗愈感，阿Mark仲话可以为小靓仔寻家，用爱心帮助更多小生命。