恋爱综艺《女神配对计划2》刚过去星期日播出一集，五位女神正式同各位求爱勇者展开约会，当中部份游戏真系睇到人面红心跳。而节目播出前女神俞可程、陈若思、何沛珈、阮嘉敏、郭珮文就先出席宣传活动，同求爱勇者一齐当住观众面前互动，更有MYNT魔音女团为大家献唱节目主题曲。
女神同勇者们即席亲密接触，而其中Juliana唔止有旧爱ICE越洋再追，节目中仲有 李尔晨 加入竞争，呢日一个嬲字齐齐受访，Juliana就直指气氛尴尬，两位男士更即场舌剑唇枪，火药味唔细呀。
而同Mandy早已因拍剧认识嘅 吴旭东 由内地来港穷追，当场面贴面睇到都觉得面红，佢仲非常自信咁话会用最大努力向Mandy付出，仲乜都话冇问题。
至于Oscar呢位冷气师傅，唔止吸引到Kanis，连现场唔少观众都系为见佢而到场，佢仲指非常担心自己遭淘汰。而Kanis就非常担心Oscar拣其他女神，似乎已经曝露自己心意咁㖞。
节目一播出有人气亦同时有是非，好似Roxanne就于网上被指系双面人，而Amber就被指拜金又收兵，两人呢日亦直接回应澄清。
《女神配对计划2》星期日晚 20:30 翡翠台