何超莲踏入35岁戒糖控饮食 中秋改吃一小角月饼著重陪伴家人

何超莲呢日现身一个品牌店舖担任剪彩嘉宾，平日对衣著配衬好有心得，超莲话穿衣风格好代表到一个人嘅状态，唔同场合着出嚟都呈现唔同感觉，整个人嘅气场都唔同。

超莲本身好钟意食甜嘢，佢话踏入35岁后，开始透过控制饮食与减少糖分摄取，以前饮奶茶都要全糖，超莲而家就尽量避开加工糖。

活动当日适逢中秋佳节，超莲自制月饼兼返屋企陪妈妈过节，一家人团圆赏月，超莲话细个着重食同玩，以前一个人拎住双黄月饼咬，而家就只食一角仔月饼，长大后就着重陪伴。每逢节日，妈妈亲自下厨，超莲话只要系妈妈味道都OK，佢都钟意食。