谭辉智连续第三年举办生日会，一众歌迷为佢庆祝生日，全场气氛热闹到好似开演唱会咁，辉智收到歌迷满满嘅爱，当然有上台献唱答谢歌迷支持。

呢晚辉智邀妹妹合唱，仲有揾TVB娱乐新闻台主播泉叔王镇泉上台首度公开唱《爱如潮水》一展唱功。辉智太太一直支持老公追梦，今次生日会咁成功，呢位贤内助绝对系幕后功臣，辉智为太太送上惊喜，太太亦感动落泪。

辉智赞太太咁耐以嚟兼顾好多嘢，喺背后付出好多，辉智承诺用余生报答太太，爱锡太太多啲，希望大家长命啲、朝夕相对时间多啲。

辉智出道3年几，直认曾陷入迷茫阶段，唔知自己唱到几耐，仲有冇人会钟意，辉智感激歌迷不离不弃，给予支持同信心，笑指向歌迷示咗好多爱，怕歌迷嫌肉麻添！