Twins Sidetrack演唱会终极加开第六场 Sa娇玩捕捉「死亡视角」答谢歌迷

Twins将于今12月假会展举行Sidetrack演唱会，消息一出即全城疯抢，一票难求，唔少fans揿唔到飞。主办单位日前加开两场，门票依然极速被售罄，主办单位再宣布终极加开一场，由十八号唱到二十三号，一连六场，跟大家预祝圣诞。

阿Sa直言对终极加场系开心又头痕：「我自己都要上网揿飞呀，你哋真系唔好同我争！我自己都系得十几张，有冇搞错呀！哈哈。冇咩事我都系部署吓点揿飞。」而阿娇就话呢次Sidetrack演唱会对佢嚟讲最大挑战系，好似「全部都系新歌」咁，阿娇笑言：「所有大家熟嘅歌，我哋都唔会唱。」阿Sa就话系唱得太多𠮶啲唔唱。

一向好玩得嘅Twins，得知终极加场呢个喜讯，就玩一个「手机黑白配📱」小游戏答谢歌迷支持，二人极近距离影对方，捕捉「死亡视角」，唔少歌迷赞二人就系死亡角度都靓到咁，仲话阿娇靓样真系360度都冇死角。