《中年好声音4》唱将郑家声与吴亦伟趁中秋假期上广州开骚，一班歌迷包团北上撑场，开心同偶像一齐欢度佳节，家声同亦伟落力演出炒热气氛。
亦伟喺《中声4》比赛后出席首个活动，指每次比赛𠮶阵压力比较大，而家可以好好唱歌，亦伟好感谢一班歌迷支持，让佢有工作可以做，身旁嘅家声闻言即大笑表示认同。
家声今次好似间接一齐去旅行咁，佢早前返加拿大探亲，喜见接机团阵容庞大，家声顺便开咗个fan meeting，佢差唔多成年冇返屋企，好挂住屋企人同张床，今次充足电。二人嚟紧有连串工作，家声同亦伟准备好做「空中飞人」，努力兼顾两地工作。
亦伟计划推出原创歌曲嘅个人音乐专辑，佢希望出好多歌曲畀大家听，家声都想推出自己作品，快歌同慢歌不拘！