徐紫茵、沈小婷、崔英俊、韩东、力丸、段艺璇、王怡人、男团Modyssey等多位内地、韩国、日本艺人现身香港，为一个潮流舞蹈大赛香港赛区比赛担任评审同嘉宾。
几位远道而来嘅嘉宾都话，好开心可以嚟到香港出席活动。韩国女团Kep1er嘅中国籍成员沈小婷就话，好想食港式茶餐厅，可惜逗留时间太短，冇机会一饱口福。韩东就指之前有同团队嚟香港开过演唱会，同香港粉丝留下美好回忆，最令佢挂住嘅就系香港嘅牛腩。
王怡人就表示，最想就系坐巴士一直行，再睇下沿途风景，因为自己由细到大都钟意睇香港电影，想坐巴士见到熟悉嘅街道时可以落车行一行。
韩东目前以Solo歌手身份活动，由七个人变一个人都好需要时间适应，不过佢同Dreamcatcher嘅前队友依然保持联络，仲会互相打气！韩东仲话，其实大家对团体重组都抱以强烈嘅心，但目前都唔可以透露太多，请大家静候佳音。
王怡人喺团体EVERGLOW解散之后同样开始做个人发展，佢表示压力大咗唔少，而且好多责任需要一个人承担，亦都会怀念团体活动嘅时光。