中声歌手 罗启豪 颜志恒 刘威煌 同 梁浩贤 一齐为于漆黑中举行嘅音乐会宣传，四位唱将率先体验全黑旅程嘅感觉，大家都有唔同嘅感受。Ramon指呢次同之前佢喺漆黑中做音乐会感觉差唔多，自己嘅音乐会系负责唱歌、讲故事，但呢次系会更立体放大感官。
而Benson就话虽然呢次有朋友、导赏员陪伴体验，但经历短短15分钟后，令佢觉得既惊亦敬佩视障人士，更呼吁大众要共融，体验过就会明白视障人士有好多好厉害嘅地方。
Ramon讲起之前喺漆黑中演出嘅经验，佢就话喺伸手不见五指嘅环境下演出可以更专注唱歌嘅地方感动大家。而Benson认为，即使系一般嘅演唱会，都会有拍掌欢呼声，但呢次就会喺全黑宁静之中进行，佢都要适应同调整心态。
至于歌单方面，浩贤就话唔好拣快歌，拣返感情浓烈嘅慢歌，因为见唔到歌迷反应，所以可以放胆去唱，威煌就话会好期待完骚后同歌迷交流，想知道大家嘅感受。
