刘芷玲 喺热播剧《死有对证》饰演 韦家雄 同 王绮琴 嘅千金林雪蕾，星期二播出一集嘅剧情讲述，雪蕾明知自己唔系读书材料，于是向爸爸提议想去日本读声优课程。雪蕾心知资深法医爸爸同重案组高级督察妈咪对自己有好大期望，希望自己学业有成，踏出社会做专业人士。
而现实生活中，芷玲同雪蕾一样同样有梦想，芷玲喺社交平台发长文分享自己故事，佢话喺幼稚园时就睇TVB，当时已经拥有一个想表演嘅梦想，成日幻想有一日可以喺电视上演出，不过喺中小学期间，佢嘅梦想被人喺班房度大声嘲笑，冇人支持自己，不过芷玲将嘲笑化为动力，努力学唱歌、跳舞同演戏，争取演出机会。
喺无数失败路上，芷玲觉得𠮶啲痛苦流泪经历，成为佢做演员嘅强处，而剧集《死有对证》同《灵戏逼人》就系佢得到嘅回报。虽然离开TVB后作品先播抆，不过芷玲仍然感到好开心，佢话：「多谢遇到林雪蕾，雪蕾的经历和我真的有点像。无论是父母离婚，还是会说日文，坚持自己的喜爱，还有学校同学的一些。但雪蕾是个非常乐观、坚强、善良、活泼同勇敢的人。我很喜欢她，希望我演绎出来的她，也有令大家感到喜欢。」
芷玲最后感激监制 黄伟声 拣选佢出演，又多谢家雄哥同绮琴姐嘅教导同照顾，仲有同剧嘅一众演员。希望大家记住《死有对证》，记住林雪蕾，亦都记住刘芷玲。
《死有对证》星期一至五晚 20:30 翡翠台